Shpallet tenderi/ Kontrolli policor kalon në e-Albania. Si do të verifikojnë qytetarët skadimin e dokumentacionit?

Verifikimet e policisë do të kalojnë në platformën e e – Albania. Autoriteti i Mbikëqyrjes Financiare ka shpallur një tender me fond 7.5 milionë lekë, për zhvillimin e ofrimit të shërbimeve në platformë.

Objekti kryesor i ketij shërbimi është:

Zhvillimi i webserviceve në Regjistrin Elektronik Online të Shitjeve dhe Regjistrin e Elektronik të Dëmeve për sa më poshtë vijon:

Web Service për verifikim e policës MTPL për mjetet motorike me të dhënat të marra nga Regjistri Elektronik Online i Shitjeve;

Web Service për historikun e policave MTPL të mjeteve motorike me të dhënat të marra nga Regjistri Elektronik Online i Shitjeve;

web Service për historikun e dëmeve te mjeteve motorike me të dhënat e marra nga Regjistrit Elektronik i Dëmeve.

Web Service për njoftim e qytetarëve 14 ditë përpara skadencës së policës MTPL ne seksionin “Mesazhet e Mia” ne portalin e-albania, me të dhënat e marra nga Regjistri Elektronik Online i Shitjeve.

Implementimi në DIS për ndërveprimin me platformen qeveritare të ndërveprimit për sa më poshtë vijon:

Për verifikim të policës për mjetet motorike me të dhënat të marra nga Regjistri Elektronik Online i Shitjeve;

Për njoftim e qytetarëve 14 ditë përpara skadencës ne seksionin “Mesazhet e Mia” ne portalin e- albania, me të dhënat e marra nga Regjistri Elektronik Online i Shitjeve;

Ndërkaq, sipas dokumentacionit bashkangjitur tenderit, e – Albania do të përmbajë seksionin “Mesazhet e Mia”, në të cilin qytetarët do të njoftohen 14 ditë përpara për skadimin e dokumentacionit.

Referuar të dhënave të projektit të shpallur në Agjencinë e Prokurimit Publik, shërbimet do të manifestohen brenda një afati kohor 1 mujor, që nga nënshkrimi i kontratës me subjektin fitues.

Në fakt, tenderi është hapur rishtazi. I njëjti tender është shpallur në Agjencinë e Prokurimit Publik në qershor 2021.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.