Shqipëria rrit me 3.4 miliard lekë më shumë eksportet me Kosovën – Cilat janë mallrat kryesore?!
Vendi ynë ka rritur ndjeshëm tregtinë me vendin fqinj Kosovën dhe kryesisht eksportet sipas të dhënave të fundit të publikuara nga Instituti i Statistikave. Bazuar në këto të dhëna në muajin Mars 2022, vendet me të cilët Shqipëria ka pasur rritje më të madhe të eksporteve, në krahasim me Mars 2021 janë Italia (67,1 %), Kosova (25,2 %) dhe SHBA (9 herë).
Gjithashtu gjatë këtij tremujori vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Italia (54,5 %), Kosova (52,0 %) dhe Gjermania (123,3 %).
Më konkretisht diferenca pozitive e eksporteve midis muajit mars të vitit të kaluar dhe këtij viti është 772 milionë lekë ndërsa rritja për tremujorin e parë të këtij viti në raport me vitin 2021 është 3’407 miliardë lekë.
Sipas informacionit të publikuar grup mallrat që kemi eksportuar më shumë në vendin fqinj janë materiale ndërtimi dhe metale; produkte kimike dhe plastike; minerale, lëndë djegëse, energji elektrike; ushqim dhe duhan.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.