Shteti europian zbulon pasaportat e tij të reja – Siguri e përmirësuar dhe me zbukurime personazhesh komikë të vendit!
Nga imazhet e ndërtesave gotike dhe baroke te fotot e një aventurieri të ri me flokë të kuqe të quajtur Tintin. Nëse ndonjëherë një belg kishte nevojë për një pasaportë gjatë shekullit të kaluar, ishte gazetari i guximshëm i filmave vizatimorë që udhëtoi nëpër botë duke kërkuar të zhdukte telashet.
Dhe tani, personazhi i krijuar nga karikaturisti Hergé do të udhëtojë me çdo belg që shkon jashtë shtetit. Nga 7 shkurti, Belgjika do të ridizajnojë pasaportat e vendit për të përfshirë imazhet e Tintin dhe personazheve të tjerë të famshëm të filmave vizatimorë për të cilët kombi është ndoshta më i njohur.
Raketa e famshme e Hënës e Tintin dhe rezidenca Moulinsart e mikut të tij Kapiten Hadok do të shfaqen gjithashtu në pasaportat e reja, si dhe Smurfët dhe kauboji Lucky Luke. Pavarësisht pamjes së librit të tij vizatimor, autoritetet thonë se siguria e pasaportës është përmirësuar ndjeshëm.
Ministri i Jashtëm i vendit, Wilmès falënderoi gjithashtu ata botues dhe autorë që kishin bashkëpunuar për pasaportën e përditësuar të vendit. Ai shtoi se pasaportat e reja ishin një mundësi për të theksuar një “element qendror të kulturës dhe ndikimit [të Belgjikës] jashtë vendit”.
Pasaporta e vjetër belge do të mbetet ende e vlefshme deri në datën e skadimit të saj, shtuan autoritetet.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.