Shtohet siguria në Gjykata dhe Prokurori. Qeveria miraton kriteret e reja për të rritur vigjilencën
Në vendimet e Këshillit të Ministrave është miratuar ditën e sotme një rregullore e re që përfshin kritere dhe dispozita të reja për krijimin e ambienteve të sigurta në Gjykata dhe Prokurori.
Në vendim shkruhet se objekti i tij është përcaktimi i kritereve dhe i procedurave lidhur me rregullin e sigurinë në ambientet e gjykatave dhe të prokurorive, nëpërmjet të cilave synohet marrja e masave të destinuara për:
a) mbrojtjen e personave, duke përfshirë magjistratët, punonjësit e administratës së gjykatës dhe të prokurorisë, palët në proces, personat e thirrur në proces, publikun dhe të gjithë përdoruesit e tjerë, nga aktet e agresionit apo nga aktet keqdashëse të vullnetshme;
b) sigurinë e tërësisë së ndërtesës së gjykatës dhe të prokurorisë, të të gjitha objekteve dhe pajisjeve të strehuara në to, duke përfshirë të gjitha hapësirat e jashtme që ndodhen në perimetrin e tyre, përfshirë edhe parkingun, nga rreziqet e zjarrit, elektrike si dhe rreziqe të tjera të dëmtimit.
Procedurat e sigurisë do të hartohen nga Këshilli i Lartë i Prokurorisë dhe ai i Gjykatave në përputhje me politikën e përgjithshme kombëtare dhe ndërkohë që përcakton qartë objektivat e përgjithshëm në lidhje me rregullin e sigurinë, si dhe pasqyron angazhimet e marra për përmirësimin e performancës së tyre në çdo gjykatë e prokurori.
Rregullat e reja të sigurisë prekin katër fusha kryesore siç janë:
- Sigurimi i ambienteve:
- Hyrja në godinë:
- Hyrja e automjeteve:
- Siguria në godinë:
Secila prej tyre detajohet më tepër në vendim për mënyrën se si duhet të procedohet në realizimin e planeve konkrete për sigurinë e ambienteve të drejtësisë, kontrollin periodik të sistemit të menaxhimit të tyre dhe marrjen e masave për të plotësuar të gjitha parametrat teknikë të nevojshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.