Si do të jetë fundjava? Shërbimi Meteorologjik: pritet të ndikojnë kushte të qëndrueshme atmosferike!
Shërbimi meteorologjik ka njoftuar se pas disa ditëve me mot të vranët dhe reshje shiu tashmë gradualisht mbi vendin tonë pritet të ndikojnë kushte të qëndrueshme atmosferike.
Sipas njoftimit për ditën e Shtunë moti do të jetë i kthjellët në të gjithë territorin përjashtuar vranësirat e pakta kalimtare kryesisht mbi relievet e larta malore.
SHM bën me dije se relativisht të njëjta kushte do të ndikojnë edhe për ditën e Diel me motin kryesisht të kthjellët por nuk do të mungojnë edhe alternimet e vranësirave kalimtare por në lindje dhe relievet malore.
“Era për këto dy ditë do të fryjë e lehtë me drejtim kryesor nga kuadrati i jugut dhe shpejtësi 1-8m/s. Sa i përket temperaturave ato parashikohen me rritje kryesisht në ato të mesditës duke prekur vlerat deri në 25-26ºC në zonat e ulta dhe ato bregdetare,” shkruhet në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.