Situata epidemiologjike në vend – Ndërrojnë jetën 4 të infektuar, në 24 orët e fundit shtohen 169 raste
Sipas raportimit zyrtar të përditshëm mbi situatën epidemiologjike të vendit, Ministria e Shëndetësisë njofton se gjatë 24 orëve të fundit 169 persona janë testuar pozitiv me koronavirus, ndërsa katër persona kanë humbur jetën. Kështu numri i personave që janë infektuar që nga fillimi i pandemisë llogaritet 14899, ndërsa ai i viktimave 411.
Rastet pozitive të konfirmuara në 24 orët e fundit janë identifikuar në këto bashki: 55 të prekur në Tiranë, 22 të prekur në Korçë, 14 raste në Elbasan, 9 raste në Shkodër dhe Durrës, 8 raste në Fier, 7 raste në Lushnje, 6 raste në Lezhë, Vlorë, Mirëditë, Tropojë, 2 raste në Kavajë, Berat, Mallakastër, Klos, 1 rast në Krujë, Kurbin, Kukës, Has, Mat, Gjirokastër, Divjakë, Malësi e Madhe, Përenjas, Peqin, Gramsh, Kuçovë, Skrapar.
“Aktualisht në spitalin Infektiv dhe “Shefqet Ndroqi” po trajtohen 228 pacientë, 17 në terapi intensive nga të cilët 5 pacientë janë të intubuar.
Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 62 vjeçar, një 66 vjeçare nga Lezha, një 67 vjeçare dhe një 80 vjeçar nga Tirana”, thuhet në njoftimin zyrtar të Ministrisë.
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.