Statistikat / A po funksionon vërtetë strategjia e Suedisë – Vendi që nuk detyroi karantinim për qytetarët e tij

Përballë kritikave nga fqinjët e saj evropianë, Suedia ka rezistuar ndaj një bllokimi të stilit francez, spanjoll apo italian të 10.2 milion qytetarëve të saj për të shmangur përhapjen e COVID-19.

Qeveria ka këshilluar suedezët që të punojnë nga shtëpia kur është e mundur dhe të shmangin vendet e mbushura me njerëz si baret dhe restorantet, por ajo ka nuk ka vendosur kufizime zyrtare, duke u kërkuar qytetarëve të saj që “të sillen si të rritur” në vend se t’i gjobisin ata për të lënë shtëpitë e tyre pa arsye të mirë .

Në të kundërt, fqinjët e Suedisë – Danimarka, Finlanda dhe Norvegjia – ishin ndër shtetet e para evropiane që vendosën bllokime kur filloi pandemia COVID-19. Është herët në pandeminë globale të thuhet nëse bllokimet kanë qenë efektive, por numri i vdekjeve nga koronavirusi në Danimarkë, Norvegji dhe Finlandë mbetet i ulët.

Shifrat më të fundit sugjerojnë që në Suedi, përkundrazi, numri i të vdekurve po rritet shpejt.

Sidoqoftë, qasja ka qenë shumë e mirë për suedezët, me Partinë Socialdemokrate në pushtet që është rritur në sondazhet e bëra

Stefan Löfven, kryeministri i Suedisë, ka theksuar se larg nga të qenit mohues të COVID-19, qeveria e tij thjesht po ndjek këshillat e autoriteteve shëndetësore të vendit.

Organizata Botërore e Shëndetit i tha Euronews javën e kaluar se “secili vend vendos se çfarë veprimesh të ndërmarrë, bazuar në situatën e tyre dhe fazat e ndryshme të shpërthimit me të cilin përballen.”

Sa i përket asaj që nëse qasja po funksionon, qeveria suedeze ka qenë e sinqertë për faktin se gjërat mund të përkeqësohen në Suedi para se të përmirësohen.

“Na është thënë që të presim që vdekjet të rriten në mijëra në javët që vijnë”, thonë autoritetet atje.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.