Studim/Karriera profesionale e meshkujve dhe femrave ndryshon në bazë të llojit të network-ut

Dihet që rrjeti profesional është kritik për karrierën dhe kryesisht janë meshkujt ato që marrin rolet drejtuese. Kjo bën që të lindë pyetja: A ka dallim midis rrjeteve profesionale të femrave dhe meshkujve?

Disa hulumtime të bëra nga Harvard Business Review tregojnë se meshkujt nuk përfitojnë nga rrjeti i gjerë profesional, por nga të punuarit me njerëz me shumë kontakte.

Ndërsa femrat, për të arritur pozita ekzekutive me autoritet dhe nivel të lartë page duhet të kenë një rreth të brendshëm kontaktesh me femra pavarësisht se nga arsimimi dhe përvoja e punës mund të jenë të ngjashme me meshkujt.

Pse kjo diferencë?

Femrat që kërkojnë pozita të udhëheqjes ekzekutive shpesh përballen me pengesa kulturore dhe politike që meshkujt zakonisht nuk i hasin, ndaj përfitojnë nga rrethi i ngushtë i kontakteve femra me të cilat ndajnë informacione konfidenciale për ngjarje të caktuara.

Ndërsa studimi tregon se meshkujt pavarësisht se kishin rrethin e tyre të ngushtë, gjinia nuk përcaktonte pozicionin e punës së tyre.  Sipas studimit, rrjeti profesional i femrave dhe meshkujve ndikon në  përcaktimin e pozicionit të punës pas studimeve universitare.

Meshkujt me përqendrim më të lartë tentonin të ecnin më shumë në tregun e punës , duke siguruar më shumë autoritet dhe paga 1.5 herë me të larta krahasuar me kolegët me më pak centralitet.

Kjo sepse përqëndrimi lidhet pozitivisht me qasjen në informacionin e tregut të punës.  Edhe pse interneti ka shumë akses për informacion, procesi është shumë më i shpejtë kur është rrjeti i ngushtë që të vë në dijeni.

Ndërsa femrat kanë nevojë për rrjete të dyfishta. Rezultatet tregojnë se femrat e suksesshme janë njësoj të centralizuara si meshkujt, por gjithashtu kanë  një rreth të ngushtë kontaktesh femra.

Ato që përveç përqendrimit kishin një rreth të brendshëm të dominuar nga 1-3 femra, arritën pozita udhëheqëse që ishin 2.5 herë më të larta në autoritet dhe pagë sesa ato të moshatarëve të tyre që nuk e kishin këtë kombinim.

Ndërsa gratë që kishin rrjet të ngjashëm me atë të burrave (përqendrim por jo rreth i brendshëm femëror) vendoseshin në pozita udhëheqëse që ishin ndër më të ulëtat në autoritet dhe pagë.

 J.V/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.