Taksat vendore – DPTTV: Tatimpaguesit e Bashkisë Tiranë mund t’i paguajnë online në e-Albania
Të gjithë qytetarët dhe bizneset që operojnë në Bashkinë e Tiranës tashmë mund t’i paguajnë taksat dhe tarifat vendore online përmes platformës e-Albania. Sipas njoftimit të Drejtorisë së Përgjithshme të Taksave dhe Tarifave Vendore, ata mund të informohen mbi detyrimet e papaguara vendore si dhe të printojnë Njoftim Detyrimin po përmes kësaj platformës e-Albania.
DPTTV njofton gjithashtu se së shpejti ata do të mund të aplikojnë dhe të pajisen me vërtetim për shlyerjen e taksave dhe tarifave vendore përmes portalit e-Albania.
Po ashtu, atyre nuk do t’u kërkohet asnjë dokument që mund të nxirret nga punonjësit e administratës në kryerjen e kërkesave të ndryshme pranë DPTTV.
Ndërkohë, të gjithë subjektet që rezultojnë debitorë ndaj Bashkisë së Tiranës duhet të shlyejnë detyrimet brenda afateve ligjore për të shmangur marrjen e masave për vjeljen e tyre.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.