Tatimet 831 kontrolle në 10 ditët e para të tetorit, konstatohen 156 shkelje

Strukturat e Monitorimit në Terren të Tatimeve gjatë periudhës 1-10 Tetor 2019, kanë kryer 831 kontrolle, ndërsa janë konstatuar 156 shkelje të legjislacionit tatimor.

Referuar njoftimit zyrtar të Tatimeve,  6 subjekte kanë rezultuar të paregjistruara, për të cilët është marrë masa e bllokimit deri në momentin e regjistrimit të tyre pranë QKB dhe organeve tatimore. Ndërkohë, 26 tatimpagues janë penalizuar për moslëshim kuponi tatimor (rasti i parë) dhe  2 tatimpaguesve u janë bllokuar ambientet për 30 ditë kalendarike për moslëshim kuponi tatimor (hera e dytë).

Gjithashtu, Tatimet njoftojnë se 21 tatimpagues janë konstatuar me punonjës të padeklaruar, nga të cilët:

-13 subjekte- “biznes i vogël”

– 8 subjekte – “biznes i madh”

– 7 tatimpagues pa pajisje fiskale të instaluar

– 12 të tjerë nuk i mbanin pajisjet fiskale në gjendje pune

– 41 tatimpaguesdispononin mallra pa dokumentacion tatimor.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.