Teknologjia për dallimin e të shtënave me armë, pritje e ngrohtë në ditën e debutimit në bursë
Investitorët e pritën me ngrohtësi ShotSpotter ditën e debutimit si kompani publike. Çmimi i ofertimit publik fillestar prej 11 dollarësh u mbyll me një rritje prej 26% në fund të ditës, kur vlera e aksioneve u mbyll në 13,86 dollarë.
ShotSpotter njofton departamentet e policisë për dhunën e ushtruar me armë duke përdorur sensorë që injorojnë zhurmat e ambientit. Teknologjia e sofistikuar njofton autoritetet brenda 45 sekondash nga koha kur është tërhequr këmbëza.
Gjatë këtyre 45 sekondash sistemi ka aftësinë të përcaktojë vendndodhjen deri në 5 metra nga e shtëna dhe më pas ekspertët vlerësojnë nëse janë të shtëna armësh. Forcat e rendit njoftohen të parët përmes një aplikacioni dixhital, me informacionin e nevojshëm për të vepruar.
Aktualisht ajo po përdoret në rreth 90 qytete, përfshirë New York, Chicago dhe San Francisco. Sipas ShotSpotter, 80 përqind e dhunës me armë nuk raportohet, ndaj ata janë në proces të mbushin mendjen e bashkive në të gjithë botën se teknologjia e tyre mund të ndihmojë të reduktojë numrin e viktimave.
Sipas CEOs Ralph Clack, nuk bëhet fjalë vetëm për të kapur agresorët, por shpresohet edhe të ulet kriminaliteti.
ShotSpotter fiton të adhura duke i faturuar qeveritë lokalë në bazë të abonimeve vjetore. Sipas të dhënave të vetë kompanisë, të ardhurat në 2016-ën ishin 15,5 milionë dollarë dhe 11,8 milionë në vitin 2015. Ndërkohë humbjet u rritën nga 6,2 milionë dollarë në 2015, në 6,9 milionë dollarë në vitin 2016.
Kjo është arsyeja që IPO e saj ishte shumë e vogël, duke kaluar vetëm 30 milionë dollarë. Disa nga këto para do të përdoren për të paguar borxhet.
Megjithatë ata janë optimistë se do të zgjerohen në më shumë qytete, pasi dhuna me armë është qartësisht një problem i madh në SHBA dhe në botë.
Tashmë aksionerët kryesorë janë Lauder Partners, Motorola Solution dhe Claremont Creek Ventures.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.