Tërmeti ndryshon buxhetin 2019-2020/ Denaj: ”Do të mbajnë peshën për rindërtimin e banesave”

Buxheti 2019 dhe projektbuxheti 2020 do të rishikohen për të marrë përsipër faturën e lartë të dëmeve të shkaktuara nga tërmeti i 26 Nëntorit, me qëllim rindërtimin e banesave të shembura dhe të dëmtuara rëndë në zonat e prekura.

Sipas Ministres së Financave dhe Ekonomisë, Anila Denaj, do të shkurtohen fondet nga projektet infrastrukturore, por edhe shpenzimet korrente. Fatura paraprake e dëmeve nga tërmeti shkatërrues i 26 Nëntorit, llogaritet në rreth 500 milionë euro. Ndërsa ende nuk ka përfunduar vlerësimi total i banesave, mijëra qytetarë kanë mbetur të pastrehë dhe dhjetëra institucione arsimore kanë nevojë për ndërhyrje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.