Twitter teston kufirin e cicërimës me 280 karaktere

Tashmë Twitter po teston kufirin e cicërimës me 280 karaktere. Edhe pse ky format i zgjeruar i cicërimës është i disponueshëm vetëm për një grup të vogël për momentin, menaxherja e produkteve Aliza Rosen shprehet kështu:

“Ajo që ka rëndësi tani është se kjo funksionon për komunitetin tonë, ne do të mbledhim të dhëna dhe reagime përgjatë rrugës”

Por pse ndodhi ky ndryshim në formatin e cicërimës? Rosen vuri në dukje gjuhët që lejojnë njerëzit të shprehin veten në më pak karaktere.

Me gjuhë të tilla si, japonisht, Kinezce apo koreane mund të përcillni rreth dyfishin e sasisë së informacionit në një karakter ashtu siç nuk mundeni kurrë ta bëni në gjuhë të tilla si anglisht, spanjisht apo frëngjisht, shkruan Rosen në një postim në blog.

Si rezultat i kësaj, folës të gjuhëve si anglisht e gjejnë veten shpesh duke hequr fjalët ose duke mos e marrë mundimin të dërgojnë një cicërimë.

“Hulumtimi ynë na tregon se kufiri i karaktereve është shkaktar i madh i zhgënjimit të njerëzve për tweeting në anglisht, por nuk është për ata që bëjnë tweet në Japonisht, tha ajo.

Për një kompani që ka luftuar me rritjen e ekonomike, zhvillimi i një komuniteti më të angazhuar është një domosdoshmëri.

Në fund të tremujorit të katërt, ajo kishte 328 milionë përdorues aktivë mujor, krahasuar me 2.01 miliard përdorues aktivë mujor të Facebook në 30 qershor.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.