Udhëzimi/ Strehimi, si do të ndahet fondi 250 milionë lekë për bashkitë! Granti për familje, maksimalisht 600 mijë lekë
Një fondi prej 250,000,000 (dyqind e pesëdhjetë milionë) lekë është planifikuar për t’iu shpërndarë bashkive me qëllim zbutjene problematikës së strehimit. Për këtë fond, njësitë e pushtetit vendor duhet të konkurrojnë me propozime konkrete që kanë si qëllim përmirësimin e kushteve të banimit të komuniteteve të varfëra dhe pa përkrahje.
Udhëzimi i Ministrisë së Financave parashikon që për vlerësimin e propozimeve të bashkive të ngrihet një komision i posaçëm i drejtuar nga zëvëndësministri i Financave, Sekretari i Përgjithshëm anëtar; Drejtori i Përgjithshëm i Buxhetit anëtar; Drejtori i Financave Vendore anëtar; ) Shefi i sektorit që mbulon strehim anëtar; Një përfaqësues nga Enti Kombëtar i Banesave anëtar; Një përfaqësues i Shoqatës së Bashkive anëtar dhe një përfaqësues i shoqatave që mbrojnëinteresat e grupeve të prekshme anëtar.
Për vlerësimin e propozimeve, do të përdoren kriteret e mëposhtme:
a) Komunitetet/kategoritë e familjeve që trajtohen me përparësi:
i) Familje të komunitetit rom;
ii) Familje të komunitetit egjiptian;
iii) Familje të zonave rurale;
iv) Të moshuar pa përkrahje;
v) Familje me më shumë se 4 fëmijë;
vi) Familje njëprindërore që kanë në ngarkim fëmijë.
Mbështetjet që do të jepen për komunitetet e varfëra synojnë më shumë të ndihmojë përmes granteve për rehabilitimin/përforcimin e banesave a ngrehinave ekzistuese të cilat janë në kushte të papërshtatshme për të jetuar.
Udhëzimi parashikon ndër të tjera që shuma maksimale e grantit për familje të mos jetë më shumë se 600,000 lekë. Kjo shumë do të përdoret edhe si kufi maksimal i financueshëm nga buxheti i shtetit për familje/banesë. Në rastet kur fondi kërkohet për adaptimin e një objekti jo banimi, i cili do të ngelet në pronësi të bashkisë dhe do të përdoret si banesë sociale me qira, financimi mund të mbulojë të gjitha kostot e nevojshme të adaptimit, të cilat nuk mbulohen dot me të ardhurat e bashkive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.