Vendimi/Zgjerohet sipërfaqja e projektit të kanalizimeve të Tiranës së Madhe – Rritet edhe fondi i shpronësimit për pronarët
Qeveria ka miratuar në mbledhjen e fundit të Këshillit të Ministrave disa ndryshime dhe shtesa në vendimin për shpronësimin e pronarëve që preken nga projekti i përmirësimit të sistemit të kanalizimeve të Tiranës së Madhe.
Referuar vendimit, sipërfaqja do të zgjerohet duke arritur në 208 321 m2nga 148971 m2 që ishe përcaktuar me vendimin e vjetër. Ndërkaq, krahas sipërfaqes, është rritur njëkohësisht edhe vlera e fondit të shpronësimeve në 93 327 808 lekë, nga 66 739 008 që ishte përllogaritur në vendimin e vjetër të vitit 2014.
Sa i takon vlerës shtesë të shpenzimeve procedurale prej 50 000 lekësh, vendimi përcakton se do të përballohet nga Agjencia Kombëtare e Ujësjellës-Kanalizimeve dhe Infrastrukturës së Mbetjeve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.