Vlorë, festohet Dita e Pavarësisë – Rama: Hapim vitin e Skënderbeut, Meta: Bashkë në BE
Vlora është kthyer në qendrën e trevave shqiptar me rastin e ditës së Pavarësisë. Krerët më të lartë të shtetit shqiptar dhe atij kosovar janë mbledhur në qytetin e Flamurit, duke shpallur me nisma të rëndësishme.
Kryeministri Edi Rama tha se nga dita e sotme fillon viti i Skënderbeut, me nisma të shumta me karakter kulturor, por edhe me krijimin e platformave të përbashkëta për dhënien e një roli më të madh diasporës.
Presidenti i Kosovës Hashim Thaçi tha se dy vendet tona duhet të forcojnë akoma më shumë bashkëpunimin, ndërsa në këtë ditë duhet të vlerësojmë sakrificën e heronjve që bën të mundur pavarësinë.
Presidenti Ilir Meta tha se viti i Skënderbeut duhet të shërbeje për të forcuar ndjenjën e patriotizmit te të rinjtë shqiptar, dhe të punohet për përmirësimin e imazhit të vendit për një të ardhme evropiane.
Pritet që me fillimin e vitit të heroit kombëtar Gjergj Kastriot Skënderbeu, të zhvillohet një kalendar mjaft I ngjeshur aktivitetesh dhe hapje e disa muzeumeve të reja. Edhe kreu i Partisë Demokratike Lulzim Basha ka uruar festën e flamurit nga varrezat e dëshmorëve në Tiranë, ku zhvilloi edhe homazhe.
Arber Hitaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.