Vonesat e Brexit – Franca nuk do të tolerojë më!
Franca nuk do të tolerojë zgjatje të përsëritura të afatit të Brexit, tha gjatë ditës së sotme një këshilltar presidencial francez.
Ai tha se zgjedhjet europiane në Britani do të trondisnin partitë e saj politike në arritjen e një marrëveshje për largimin nga BE. Franca nxiti shumë një zgjatje të shkurtër të negociatave të Brexit muajin e kaluar, në kundërshtim me dëshirën e Gjermanisë për ti dhënë një periudhë më të gjatë, duke argumentuar se presioni duhet të mbahej në Londër. Në fund, udhëheqësit europianë ranë dakort për një vonesë gjashtë mujore.
“Nuk duhet të hyjmë në vonesa të përsëritura, kjo është e sigurt” -tha këshilltari. “Mesazhi ynë është i qartë: duhet të gjendet një zgjidhje deri më 31 tetor.” Këshilltari francez nuk e mbylli derën për një zgjatje të mëtejshme përtej 31 tetorit, por e bëri të qartë që Franca do të vazhdojë të jetë kundër shtyrjes së bisedimeve në mënyrë të përsëritur. Mbase zgjedhjet europiane (në Britani) do të shërbejnë si një goditje për të arritur një marrëveshje transparente” -tha këshilltari.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.