Washington Post: Twitter pezullon mbi 70 milion llogari në dy muajt e fundit

Twitter pezulloi më shumë se një milion llogari në ditë gjatë muajve të fundit për të zvogëluar rrjedhën e keqinformimit të platformës, raportoi Washington Post. Twitter si dhe platformat e tjera të mediave sociale, siç është facebook ishte nën presionin e ligjvënësve në SHBA në mënyrë që të parandalojë përhapjen e përmbajtjeve të rreme. Kompanitë kanë ndërmarrë hapa të tillë siç mund të jetë fshirja e llogarive të përdoruesve, futja e përditësimeve dhe monitorimi në mënyrë aktive i përmbajtjes për ti ndihmuar përdoruesit të mos jenë viktima të përmbajtjes së rreme.

Twitter gjithashtu pezulloi më shumë se 70 milion llogari në maj dhe qershor si dhe ky ritëm vazhdoi deri në muajin korrik, njoftoi Washington Post ditën e premte. “është e vështirë për tu besuar se 70 milion llogari janë prekur ndërsa twitter ka vetëm 336 milion përdorues aktive mujor, “ tha analisti Wedbush, Michael Pachter. Platforma e Twitter –it pothuajse pritet të rritet në 3 për qind nga 337.06 gjatë tremujorit të dytë, sipas Thomson Reuters.

Sipas një burimi nga Washington Post, megjithatë, heqja agresive e llogarive të padëshiruara mund të rezultojë në një rënie të menjëhershme të numrit të përdoruesve mujor në tremujorin e dytë.  “Për shkak të përmirësimeve të teknologjisë dhe procesit gjatë vitit të kaluar, tani po heqim 214 për qind më shumë llogari për shkeljen e politikave tona të spam-it në baza vjetore”, tha kompania në një postim gjatë muajit të kaluar.

Kompania gjithashtu tha se numri mesatar i raporteve të spam që ka marrë ra nga 25,000 në ditë në muajin Mars në rreth 17,000 në ditë në muajin Maj. Mbrojtjet e reja “na kanë ndihmuar tashmë të parandalojmë më shumë se 50,000 reklama spam në ditë,” thuhet në postim.

Heqja e llogarive në këtë shkallë mund të çojë në një rënie të numrit të përdoruesve aktivë mujorë në tremujorin e dytë, tha një person i njohur me këtë çështje. Një përfaqësues i Twitter tha për CNET se letra aksionare e kompanisë Q1 pranon se “përpjekjet e vazhdueshme të cilësisë së informacionit”, së bashku me faktorë të tjerë, po ndikonin në numrin e përdoruesve aktivë mujor.

“Përpjekjet e Twitter për të luftuar abuzimet vjen ndërsa kompania përballet me zbulimet që llogaritë e mediave sociale të lidhura me rusët mund të kenë ndikuar rezultatin e zgjedhjeve presidenciale të SHBA në vitin 2016. Në maj, ai identifikoi dhe sfidoi më shumë se 9.9 milionë “shkelje të rreme ” ose llogaritë e automatizuara në javë, krahasuar me 6.4 milion në dhjetor 2017. Aksionet e Twitter u ulën më pak se 46.50 dollarë pas rënies së sinjalit ditën e premten.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.