Xhaçka: Forcat e Armatosura në krye të detyrës! Përfundon ndërtimi i urës së Librazhdit/ FOTOT
Situata e rënduar në të cilën ndodhet Shqipëria, pas tërmetit të 26 nëntorit, ka kërkuar angazhimin e shumicës së trupës së policisë për të përballuar dhe menaxhuar pasojat që tërmeti la pas. Por, gjithsesi kjo nuk ka penguar që një pjesë e xhenierëve të Forcave të Armatosura të përfundonin ndërtimin e një ure 33m të gjatë mbi lumin Shkumbin.
Ministrja e Mbrojtjes, Olta Xhaçka sqaron se ura që është ndërtuar nga xhenierët e Forcave të Armatosura, do të lehtësojë lëvizjen e qindra banorëve të fshatrave Spatharë dhe Dardhë në Librazhd.
‘’Ndërkohë që pjesa më e madhe trupave janë të angazhuar për përballimin e pasojave të tërmetit, një pjesë e xhenierëve të FA përfunduan ndërtimin e një ure 33m të gjatë mbi lumin Shkumbin, e cila do të lehtësoje ndjeshëm lëvizjen për qindra banorët e fshatrave Spatharë dhe Dardhë në Librazhd. Forcat e Armatosura të Shqipërisë në krye të detyrës!’’-deklaroi ministrja Olta Xhaçka.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.