“Zgjedhjet e 25 Prillit, farsë” – Baçi: U evidentuan shkelje, policia nuk bëri asgjë për t’i parandaluar

Kryetari i Partisë Demokratike  në qarkun e Fierit, Luan Baçi  e ka vlerësuar rezultatin e zgjedhjeve të 25 Prillit si një farsë për shkak të  shkeljeve  të evidentuara në lidhje me votën.

Në një intervistë për televizionin SCAN  Baçi foli për raste konkrete të  manipulimit duke akuzuar policinë  për mos marrjen e masave për parandalimin e tyre.

Opozitën në zgjedhjet e fundit sipas kreut të PD, Fier e penalizoi moszbatimi i ligjit nga ana e qeverisë.

Baçi u ndal edhe në disa prej problematikave kryesore  në qarkun ku ai kandidoi për deputet, ndër të cilat papunësia, ekonomia e dobët dhe largimi i të rinjve.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.