Zyrat e aplikimit për karta ID në disa qytete të hapura edhe të shtunën! Ministria e Brendshme bën apel

Në fund të këtij viti një numër i madh i kartave ID dhe të pasaportave janë në prag skadimi. Ministria e Brendshme ka njoftuar para disa muajsh të gjithë shtetasit shqiptarë që të kontrollojnë kartën e tyre ID për të konfirmuar skadencën e tyre.

Në fillim të muajit tetor të gjitha kartat që skadojnë në fund të këtij viti nuk do të përdoren më nëse nuk shoqërohet me dokumentin e aplikimit, njofton Ministria e Brendshme.

Një pjesë e  qytetarëve kanë filluar të bëjnë aplikimet për t’u pajisur me karta dhe pasaporta të vlefshme për vitin e ardhshëm.

Për të shmangur fluksin e madh të aplikimeve Drejtoria e Përgjithshme e Gjendjes Civile ka urdhëruar hapjen dhe në fundjavë të të gjithë zyrave të aplikimit në disa prej qyteteve më të mëdha të vendit.

Sipas njoftimit të Ministrisë së Brendshme këtë të shtunë datë 20 korrik 2019, zyrat e aplikimit për dokumentet biometrike në Tiranë, Berat, Durrës, Elbasan, Fier, Lushnje, Korçë, Shkodër, dhe Vlorë do të jenë të hapura deri në trajtimin e fundit të qytetarit në sportel.

Gjithashtu, Ministria këshillon çdo qytetar të verifikojë skadencën e kartës ID dhe të mos e lërë aplikimin për ditën e fundit në mënyrë që të gjithë të pajisen me karta dhe pasaporta të reja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.