6 vjeçarja nga Koreja e Jugut blen pronën 8 milion dollarëshe me fitimet nga YouTube

Boram një gjashtë vjeçare nga Koreja e Jugut me 30 milionë abonentë në YouTube ka blerë një pronë pesë katëshe në Seul me vlerën e 8 milion dollarëve.

Boram ka dy llogari popullore në YouTube në të cilën ajo poston përmbajtje: një kanal për rishikimin e lodrave me 13.6 milionë abonentë dhe një llogari video blog me 17.6 milionë abonentë.

Por disa nga përmbajtjet e Boramit kanë tërhequr polemika në Korenë e Jugut për vlerat që promovon.

Në vitin 2017, organizata joqeveritare Save the Children mori ankesa nga qytetarë të Koresë së Jugut, të cilët ishin të shqetësuar se klipet e Boram mund të ndikojnë negativisht në zhvillimin emocional dhe etik të shikuesve të rinj.

Fëmijët po bëhen një trend në YouTube dhe fitimet që ata marrin për shkak të shikueshmërisë së lartë janë marramendëse.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.