80 mln europianë nuk kanë përdorur kurrë internetin – Pas 2022, vendet e punës do të kërkojnë aftësi themelore digjitale
Rreth 80 milionë europianë nuk e kanë përdorur kurrë internetin dhe 44% nuk kanë aftësi themelore digjitale. Kështu është shprehur Komisionerja e Europës për Ekonominë Digjitale dhe Shoqërinë, Maria Gabriel, duke përmendur një studim të ri të Komisionit Europian.
Në këtë studim evidentohet edhe trendi negativ dhe shqetësues i pranisë së grave në teknologjitë e reja, tha Gabriel para pjesëmarrësve në forumin “Europa fillon në fshatin, qytetin dhe rajonin tuaj.”
Nisur nga shifrat alarmante të përdorimit të internetit, Gabriel vuri theksin edhe te nevoja për të rritur aftësitë digjitale të mësuesve.
“80 milionë evropianë kurrë nuk kanë përdorur internetin dhe ne po flasim për banking online, blockchain. A mund të imagjinoni se sa larg janë këta njerëz nga gjërat që duam të bëjmë për to. 44% e evropianëve nuk kanë aftësi themelore digjitale, 37% e fuqisë punëtore të Evropës ka vetëm aftësi digjitale bazë dhe vendet e punës pas 2020 do të kërkojnë aftësi themelore digjitale “, tha Gabriel.
Eurokomisionerja theksoi se që nga qershori i këtij viti, do të ketë një mundësi për një praktikë të paguar në vendet e Evropës për 6000 studentë. Më 20 mars pritet të nisë projekti WiFi4EU, me një buxhet prej 120 milion euro.
Ky projekt parashikon sigurimin e internetit pa telefon në zonat e Europës dhe pritet të mbulojë 6000 deri në 8000 komuna.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.