Aksionet ndaj lojërave të fatit – Dogana e Kosovës konfiskon 200 mijë euro mall

Kosova ka intensifikuar gjatë këtij viti luftën ndaj lojërave të fatit të paligjshme. Vetëm për periudhën Janar-Maj 2017, Dogana e Kosovës ka bërë me dije se ka konfiskuar gati 200 mijë euro në vlerë malli.

Kjo shifër është rritur me 140% në krahasim me të njëjtën periudhë të vitit të kaluar, ndërsa vetë rastet me shkelje në kundravajtje doganore kanë arritur në 107 raste, krahasuar me 34 raste në Janar-Maj 2016.

Rezultatet kanë ardhur si pasojë e kontrolleve të rrepta të cilat janë kryet në të gjithë territorin e vendit.

Mes mallit të konfiskuar përfshihen 127 copë aparate dhe 189 copë pajisje të ndryshme si televizorë, printera, etj.

Dogana e Kosovës ka gjobitur edhe 85 sallone bastesh sportive, ndërsa vlera e përgjithshme e gjobave për bastoret e palicencuara shkon në 142 mijë e 800 euro. Krahasuar me vitin e kaluar, performanca në kundravajtje është rritur me 68%.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.