Ari rimëkëmbet lehtë / Java më e keqe në 15 muaj, prej rritjes së dollarit dhe takimit të Fed

Çmimi i arit është rritur në tregtinë e ditës së Premte, por ndodhet në javën më të keqe që prej Marsit 2020, pasi komentet e Rezervës Federale rritën dollarin dhe penguan metalin e çmuar. Norma spot e arit u rrit me 0.5% në 1,782.80 dollarë për onz, por ka humbur 5% deri më tani për Javën. Ndryshimi i perspektivës së politikave të Rezervë Federale solli një rënie të çmimit të arit. Megjithatë, pavarësisht rimëkëmbjes së fortë dhe presioneve në inflacion, rritja e normëz bazë së interesit nga Banka nuk pritet të ndodhë për të paktën 18 muaj, e për rrjedhojë mund të ketë një rimëkëmbje të arit më vonë.  Banka Qendrore sinjalizoi se do të bisedojë reduktimin e programit të blerjes së borxhit në çdo takim të ardhshëm dhe shtyu projeksionet për një rritje të interesave deri në vitin 2023.  Komentet e politikëbërsve sollën rritjen e dollarit në nivelin më të lartë në 2 muaj, që ndodhet në performancë më të mirë javore në 9 muaj. Në anën teknike, ari ra poshtë nivelit me rëndësi psikologjike prej 1,800 dollarë për onz, çka shihet si një shenjë pesimiste.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.