BE do të shqyrtojë blerjen kolektive të gazit – Ndër masat që KE pritet të publikojë për t’u mbrojtur nga rritja e çmimeve
Bashkimi Europian po shqyrton mundësinë që vendet anëtare të blejnë së bashku gaz natytor, ndërkohë që blloku po përpiqet të mbrohet nga rritja e çmimeve të energjisë. Komisioni Europian do të publikojë këtë javë një serë masash që vendet e Bashkimit Europian mund të ndërmarrin për të reaguar ndaj rritjes së çmimeve të energjisë, duke i’u përgjigjur thirrjeve nga disa anëtarë për t’i bërë ballë çmimeve rekord të gazit dhe energjisë elektrike.
Sipas dokumentit të parë nga Reuters, komisioni do shqyrtojë përfitimet e mundshme për vendet e BE që të blejnë gaz së bashku, një ide e propozuar në javët e fundit nga qeveri përfshirë e Spanjës. Vendet mund të blejnë në mënyrë kolektive gaz për të formuar rezerva strategjike, sipas dokumentit, që shton se pjesëmarrja do jetë vullnetare. Çmimet e gazit dhe energjisë elektrike në Europë kanë prekur qiellin këtë vit, ndërkohë që furnizimet e pakta janë përplasur me kërkesën e fortë nga ekonomitë që po rimëkëmben nga pandemia e Covid-19.
Shumë vende anëtare kanë reaguar me masa kombëtare si tavane mbi çmimet dhe reduktime të përkohëshme në taksat e energjisë elektrike dhe karburantit. Dokumenti konfirmoi se këto masa janë të lejuara nën ligjin e BE dhe se mund të financohen pjesërisht nga të ardhurat që qeveritë kombëtare mbledhin nga tregu i karbonit. Megjithatë, jo të gjithë vendet duan një reagim në nivel europian për çmimin e energjisë. Gjermania dhe Holanda kanë paralajmëruar kundër ndërhyrjeve në treg, ndërsa Belgjika ka bërë të ditur se është dyshuese se blerja e përbashkët do limitojë çmimet.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.