Bëni biznes në Indi – Banka Botërore e rendit si një nga vendet më të mira

India u ngjit 23 vende më lart nga një vit më parë për tu renditur e 77 nga 190 vende në raportin më të fundit të Bankës Botërore mbi lehtësinë e të bërit biznes. Sipas CNN, ajo ishte gjithashtu ndër 10 vendet më të mira të përmirësuara krahas vendeve të tilla si Kina, Xhibuti dhe Azerbajxhani, sipas raportit të “Doing Business 2019”.

Lehtësirat e të bërit biznes në Indi u përmirësuan ndjeshëm pas një sërë reformash të cilat e bënë më të lehtë që kompanitë të merrnin leje ndërtimi, për të paguar taksat dhe tregtinë përtej kufijve, tha raporti. Reformat gjithashtu “modernizuan procesin e marrjes së një leje ndërtimi dhe e bënë atë më të shpejtë dhe më pak të shtrenjtë “.

Fusha të tjera të përmirësimit përfshinin thjeshtimin e strukturës komplekse të taksave të Indisë që e bënte më të lehtë pagesën e taksave. Iniciativat e zbatuara në kuadrin e Planit Kombëtar të Veprimit për Lehtësimin e Tregtisë 2017-2020 përmirësuan efikasitetin e tregtisë ndërkufitare dhe ulën kohën e ndërmarrë për të përmbushur kërkesat e pajtueshmërisë, tha raporti. India ka lëvizur vazhdimisht në renditje pasi qeveria e kryeministrit Narendra Modi erdhi në pushtet dhe zbatoi një sërë reformash të mëdha.

India po lufton aktualisht me një rupi (monedha vendase) të paqëndrueshme dhe me një rritje të deficitit të llogarisë korrente, ndërsa po përgatitet për zgjedhjet e përgjithshme të vitit të ardhshëm.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.