Çmimet kthehen në rënie – Investitorët shqetësohet për rezervat e larta të naftës
Çmimet e naftës po qendrojnë në rënie në sesionin e sotëm, për shkak të rezervave të larta, paavarësisht rënies së lehtë të tyre në SHBA. Megjithatë, çmimet po gjejnë një mbështetje nga zhvillimet pozitive mes SHBA dhe Kinës për të shmangur luftën tregtare. Gjatë gjashtë muajve të fundit, ndërkohë, furnizimi e ka tejkaluar kërkesës, duke ndikuar në rritjen e rezervave dhe në rënien e çmimeve.
Në përgjigje të kësaj situatë, OPEC dhe Rusia vendosën të ulin prodhimin gjatë takimit të 6 dhe 7 dhjetorit. Nafta Brent e Londrës po tregtohet në rreth 60.1 dollarë për fuçi, ndërsa nafta Bruto amerikane po tregtohet në rreth 51.1 dollarë për fuçi.
Në një shenja se Kina dëshiron të zbusë tensionet tregtare me Shtetet e Bashkuara, ky vend bëri blerjen e parë të madhe të sojës amerikane, në më shumë se gjashtë muaj. Referuar të dhënave zyrtare në SHBA, rezervat e naftës ranë me 1.2 milionë fuçi, gjatë javës që u mbbyll më 7 dhjetor, ndërsa analistët parashikonin një rënie me 3 milionë fuçi.
Agjencia Ndërkombëtare e Energjisë parashikon se, tregu i naftës do të balancohet gradualisht dhe do të kalojë në deficit në gjysmën e dytë të vitit të ardhshëm. Në anën tjetër, OPEC deklaroi se, kërkesa për naftën bruto të organizatës do të bjerë në 31.44 milionë fuçi në ditë, 100 mijë fuçi më paak se vlerësimi i nëntorit.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.