Çmimi i bakrit, në rënie / Ndikojnë masat e reja të karantinës në Evropë dhe rritja e dollarit
Çmimi i bakrit ka rënë në sesionin tregtar të së Mërkurës, prej shqetësimeve mbi masat e karantinës së koronavirusit në Evropë, që rritën kërkesën për dollarin amerikan dhe cenuan perspektivën për rimëkëmbjen ekonomike botërore. Bakri, që përdoret kryesisht në ndërtim, manifakturë dhe energji, shihet si një matës i gjendjes ekonomike botërore.
Dollari amerikan iu afrua nivelit më të lartë në 4 muaj, duke e bërë metalin, që çmohet në dollar, më të shtrenjtë për mbajtësit e valutave të tjera. Kontrata 3-mujore e bakrit në Bursën e Metaleve në Londër ra në 8,960.5 dollarë për ton, ndërkohë që kontrata më e tregtuar në bursën e Shangait, humbi 0.9%, në 10.197.7 dollarë për ton. Tensionet mes Kinës dhe perëndimit, si dhe një rritje e mundshme e taksave në SHBA, kanë ndikuar tek humori dhe kanë bërë që investitorët të blejnë dollarin për siguri. Analistët thonë se masat e reja të kufizimeve në Evropë dhe lajme të tjera në nivel makro, po ndikojnë gjithashtu në treg.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.