Dita e Beqarëve, rekord i ri! Alibaba kalon $56 mld shitje në periudhë të karantinës
Alibaba deklaroi se porositë në platformën në rrjet gjatë ditës së Beqarëve kanë kaluar 56 miliardë dollarë, ndërkohë që konsumatorët e shqetësuar nga karantina, kanë blerë mbi 16 milionë mallra në ofertë. Eventi më i madh në botë i shitjeve, që eklipson të Premten e Zezë dhe të Hënën Kibernetike në SHBA, zgjat 4 ditë të plota këtë vit, dhe deri më tani ka gjeneruar 16 herë më shumë porosi në vlerë se eventi 2-ditor i Amazon, “Prime Day”. Përmasa e këtij eventi është a e madhe sa që performance konsiderohet si një tregues për rimëkëmbjen ekonomike pas virusit. “Për shkak të Covid-19 shumë kinezë nuk mund të largohen.
Kjo stimulon konsumin në rrjet”,- tha zv/Presidenti Liu Bo. Deri më tani, performance përbën një lehtësim për Alibaba, pasi ka humbur rreth 10% të vlerës në treg gjatë javës, kur rregullatorët goditën listimin e filialit të financave, Ant. Firma nisi shitjet më herët këtë vit, për t’i dhënë markave më pak të njohura ekspozim. Ditët fillestare të zbritjeve ishin 1 deri në 3 Nëntor, si dhe 11 Nëntori si zakonisht. Volumi i tregtisë bruto do të llogaritet për të gjithë 11 ditët dhe ka kaluar 38.4 miliardë dollarë të rekordit të kaluar. Përveç zbritjeve, eventi pati blerës në disa platforma që luanin lojëra në cellular për marrëveshje të blerjeve. Porositë arritën majën në 583,000 në sekond. Mbi 340 firma, përfshire Apple, L’oreal dhe Huawei kanë kaluar 15 milionë dollarë në shitje secila.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.