Draghi “spiunon” FED – Analistët: Sinjalizoi se Rezerva Federale do të ulë normën bazë me 0.25%
Presidenti i Bankës Qendrore Europiane, Mario Draghi ishte më pak i prirur se parashikimet e analistëve, për të dhënë detaje për uljen e normave të interesit dhe stimujt monetarë.
Por, toni i tij i bindi tregjet se, në anën tjetër të Atlantikut, Rezerva Federale do të ketë të njëjtin qëndrim në takimin e javës së ardhshme. Tashmë analistët mendojnë se Rezerva Federale do të ulë normën bazë të interesit 25 pikë përqindje dhe jo me 50 pikë përqindje siç vlerësohej më parë. Banka Qendrore Europiane i mbajti normat e interesit të pandryshuara, por tha se do ti ulë në muajt në vijim dhe do të ofrojë stimuj shtesë.
Por, kur Draghi foli në konferencën për mediat nuk dha detaje mbi blerjen e aseteve, ndërsa shtoi se mundësitë që ekonomia e Eurozonës të shkojë drejt recesionit janë të ulëta. “Draghi bëri shumë premtime, por realisht nuk bëri asgjë”, shprehet Ward McCarthy, shef i ekonomistëve te kompania Jefferies. “Ne ende e vlerësojmë rrezikun e recesionit si shumë të ulët, ndërsa tregu i punës po shfaq elasticitet dhe vijon të përmirësohet”, tha Draghi në konferencën për mediat.
Në këtë situatë, analistët mendojnë se në takimin e muajit shtator, Banka Qendrore Europiane do të lehtësojë politikat monetare. Gjithashtu, presidenti i BQE, në mënyrë të tërthortë e pranoi se normat e interesit do të jetë të ulëta edhe për një kohë të gjatë.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.