Greqia do krijojë një bankë – Do jetë shtetërore, do financojë projektet në infrastrukturë dhe SME

Greqia do të krijojë një bankë zhvillimi për të financuar projektet në infrastrukturë, start-up, dhe bizneset e vogla të orientuara drejt eksportit, deklaroi këshilli i politikave ekonomike të qeverisë.

Banka helene e zhvillimit do të jetë një huadhënës shtetëror që do të ketë një rol komplementar ndaj bankave tregtare. Synimi është që këto projekte të nxisin rritjen ekonomike.

Banka do të kërkojë edhe pjesëmarrjen e entiteteve të tjera shtetërore me kapacitet financues në mënyrë që të kenë aksione në këtë institucion dhe të bashkëpunojnë me institucionet huadhënëse ndërkombëtare.

Këshilli Ekonomik sqaroi se, do të bëhet ç`mos që, banka e re të ketë çdo mjet dhe kapital të nevojshëm në dizpozicion që të kryejë rolin e saj.

“Financimet e saj do të mbushin një hendek në hendekun e financimeve të vendit”, tha Këshilli.

Edhe banka të tjera për zhvillim, europiane, janë mëse aktive në vend, sidomos tani, kur vendi ka nevojë më shumë se kurrë për investime në projekte strategjike.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.