Heqja e 1p dhe 2p e monedhave të bakrit nuk do të rrisë çmimet

Një nga argumentet më të zëshme që bëhen kundër heqjes së monedhave 1p dhe 2p në Mbretërinë e Bashkuar është se dyqanet do të rrisin çmimet. Por analiza nga ekonomistët e Bankës së Anglisë thotë se frika se gjithçka do të bëhet më e shtrenjtë do të ishte e pabazë në qoftë se monedhat e bakrit u hodhën poshtë, shkruan BBC.

Qeveria kohët e fundit hodhi poshtë heqjen e bakrit në mes të një debati të ashpër. Një konsultim i Thesarit rreth përzierjes së monedhave në qarkullim u shfaq duke hapur rrugën për fundin e monedhave 1p dhe 2p. Miëpo një zëdhënës zyrtar i Kryeministrit deklaroi se nuk kishte plane për të hequr monedhat e bakrit.

Vlera e monedhës 1p është zvogëluar edhe nga inflacioni kështu që, në fakt, monedha 1p tani është me vlerë më pak se gjysmëpeni kur u hoq në vitin 1984. Midis shumë prej atyre që mbështesin përdorimin e vazhdueshëm të monedhave të bakrit, besimi është se shitësit thjesht do t’i rrumbullakosin çmimet ë 5p më të afërt, nëse monedha e bakrit do të hiqet.

Duke shkruar në blogun e Bankës Angleze, Bank Underground, Marilena Angeli dhe Jack Meaning argumentojnë se edhe nëse kjo do të ndodhte  do të kishte pak ose aspak efekt mbi koston e jetesës, të matur nga inflacioni. Së dyti, ata argumentuan se rritja e pagesave jo-kesh, veçanërisht kartat e kreditit, nënkuptonte që blerësit paguanin shuma të sakta kur paguanin me kartë. Së treti,  shifrat që tregojnë se vetëm 12% e çmimeve përfunduan me 99p ,duke sjellë rënie të artikujve me çmimin  £ 1.99.

Studime të ndryshme nga e gjithë bota treguan se heqja e monedhave të emërtimit të ulët do të kishte pak ose aspak ndikim në çmime, shkruan zonja Angeli dhe Z. Meaning.

“Meqenëse inflacioni në mënyrë të vazhdueshme e dëmton fuqinë blerëse të monedhës së emërtimit të ulët, çështja për heqjen e saj bëhet më e fortë,” përfundojnë ekonomistët e Bankës së Anglisë.

Ky nuk është një fenomen i ri dhe është parë herë pas here, në të gjithë botën. Edhe në Mbretërinë e Bashkuar ekziston një precedent me heqjen e gjysmë penit në 1984.

Shumë nga argumentet që u bënë në fillim të viteve 1980 rreth ndikimit inflacionit të heqjes së asaj monedhe të vogël janë duke u bërë dhe tani. Megjithatë, provat mbi të dhënat e çmimeve në Mbretërinë e Bashkuar, sugjerojnë se ato janë të pabazuara. Kjo nuk është pjesë e politikës së Bankës së Anglisë, por është publikuar në blogun e Bankës me qëllim të “ndarjes së pikëpamjeve që sfidojnë ose mbështesin ortodoksët politikë mbizotërues“.

Përshtati p.s/Scan

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.