Jeff Bezos largohet nga pozicioni i tij në Amazon – Kush do ta zëvendësojë njeriun më të pasur në botë?!

Themeluesi i Amazon Jeff Bezos do të largohet si shefi ekzekutiv i gjigandit të tregtisë elektronike që ai themeloi në garazhin e tij gati 30 vjet më parë. Ai do të bëhet kryetar ekzekutiv, një veprim që ai tha se do t’i jepte “kohë dhe energji” për t’u përqendruar në sipërmarrjet e tij të tjera.

Bezos, njeriu më i pasur në botë, do të zëvendësohet nga Andy Jassy, i cili aktualisht drejton biznesin e informatikës në Amazon. Ndryshimi do të ndodhë në gjysmën e dytë të vitit 2021, tha kompania.

“Si Kryetar i ekzekutivit unë do të qëndroj i angazhuar në iniciativa të rëndësishme të Amazon, por gjithashtu do të kem kohën dhe energjinë e nevojshme për t’u përqendruar në Day 1 Fund, Bezos Earth Fund, Blue Origin, The Washington Post dhe pasionet e mia të tjera,” tha ai në një letër drejtuar stafit të Amazon të martën.

“Unë kurrë nuk kam pasur më shumë energji dhe kjo nuk ka të bëjë me moshën e pensionit apo diçka të ngjashme. Aktualisht jam jashtëzakonisht i apasionuar pas ndikimit që mendoj se mund të kenë këto organizata.” (BBC)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.