Kryeministri i Maqedonisë së Veriut dhe disa ministra nisin izolimin pas kontaktit me virusin

Kryeministri i Maqedonisë së Veriut Oliver Spasovski dhe tre anëtarët e tjerë të kabinetit do të vendosen në izolim pasi u takuan me një kryetar bashkie i cili ka testuar pozitivisht me koronavirus, është shprehur qeveria vendase.

Grupi, i cili gjithashtu përfshiu zëvendëskryeministrin Bujar Osmani, ministrin e shëndetësisë Venko Filipce dhe ministrin e arsimit Arber Ademi, u takuan me kryetarin e qytetit verior të Kumanovës, i cili më vonë u zbulua se ishte i infektuar.

“Në këtë moment të gjithë janë në izolimin nga shtëpia”, tha qeveria në një deklaratë me shkrim, duke shtuar se kabineti do të vazhdojë të funksionojë përmes mjeteve dixhitale.

Drejtuesit e dy partive politike kryesore të shtetit gjithashtu filluan një izolim 14-ditor një javë më parë, pasi dhanë intervista për një gazetar të infektuar. Të dy kanë testuar negativ deri më tani. (AFP)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.