Mitsotakis, apel për vaksinimin / “Mesazhi për një verë të shëndetshme dhe falas është një: Vaksinohuni!”

Kryeministri Kyriakos Mitsotakis, u ka bërë thirrje grekëve për t’u vaksinuar gjatë sezonit veror, për të qenë të mbrojtur përpara dimrit, edhe me shfaqen e mutacionit Delta të COVID-19. Ai vuri në dukje se 56% e të rriturve kanë marrë tashmë një dozë, ndërsa pothuajse 47% janë vaksinuar plotësisht dhe në numra absolutë 5 milionë grekë kanë marrë të paktën një dozë.

“Ne kemi bërë progres të rëndësishëm, por duhet të mobilizojmë çdo mjet në dispozicion në mënyrë që në dy muajt e ardhshëm të verës të mund të bindim çdo qytetar të marrë vaksinën në mënyrë që kur të fillojë vjeshta, të kemi arritur në imunitetin e dëshiruar 70% deri 75% të popullsisë”, theksoi Mitsotakis.

Ai gjithashtu theksoi se për sa kohë që një përqindje e konsiderueshme e të rriturve mbetet e pavaksinuar, veçanërisht të moshuarit, mutacioni Delta do të kërcënojë drejtpërdrejt shëndetin e tyre.

“Që ky mesazh të ketë një verë të sigurt dhe falas është një: Vaksinohuni, por edhe bëni testime rregullisht para dhe pas çdo aktiviteti shoqëror. Duhet të theksoj se më shumë se 60% të rasteve pozitive zbulohen falë vetë-testeve. Prandaj, diagnoza e rregullt është shumë e rëndësishme. Ajo duhet të bëhet pjesë e jetës së përditshme, veçanërisht ata që nuk janë vaksinuar ende, ose nuk e kanë përfunduar vaksinimin e tyre”, vuri në dukje ai.

Ministria e Shëndetësisë do të organizojë njësi lëvizëse të vaksinimit në të gjitha zonat turistike të Greqisë. Çdo qytetar mund të vaksinohet shumë shpejt me çdo vaksinë që dëshiron, pasi, sipas kryeministrit tashmë ekziston një numër i mjaftueshëm vaksinash.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.