Moderna, tek fëmijët dhe adoleshentët – Bancel: Mund të nisë brenda pak javëve. Vaksinimi vjetor, i mundshëm nga 2023

Vaksina e Moderna mund të nisë të administrohet tek fëmijët dhe adoleshentët në SHBA në javët e ardhshme, sipas ekzekutivit të kompanisë, në një intervistë për Reuters. Staphane Bancel tha se bazuar tek dialogu me Agjencinë e barnave, vaksina e kompanisë së tij mund të autorizohet për 12-17 vjeçarët në javët e ardhshme.  Moderna planifikon të bëjë një aplikim tjetër për të muratuar vaksinën për fëmijët në moshë 6-11 vjeç së shpejti, sipas Bancel, që shtoi se shpreson që kjo grupmoshë, të mund të marrë dozat deri në fundt të vitit.

“Mendoj se është çështje javësh, duke marrë parasysh diskutimin që patëm sot. Megjithatë, i takon agjencisë ta përcaktojë dhe jo kompanisë. Ka shumë mundësi që përpara krishtlindjeve, 6-12 vjeçarët mund të kenë gjithashtu akses tek vaksina e Moderna”, u shpreh Staphane Bancel, Ekzekutivi i Moderna.

Moderna pret të publikojë të studimin për fëmijët nga 6 muaj e deri në 6 vjeç në fund të këtij viti, apo në fillim të vitit të ardhshëm sipas Bancel.  Moderna aplikoi për autorizim në SHBA për grupmoshën 12-17 vjeç në Qershor dhe publikoi këtë javë të dhëna pozitive nga provat klinike tek fëmijët në 6-11 vjeç. Ndërkohë që rastet e sëmundjes së ashpër apo vdekjeve nga Covid tek fëmijët janë të rralla, krahsuar me të rriturit, ata mund të zhvillojnë ndërlikime dhe infeksionet po rriten si pasojë e variantit delta.  Rregullatorët në SHBA miratuan javën e kaluar një dozë të tretë të vaksinës së Moderna për njerëzit në 65-vjeç e sipër dhe ata në rrezik gna sëmundja. Bancel tha se pret që njerëzit sipër 50-vjeç mund të kenë nevojë çdo vit për një dozë nxitëse, duke nisur nga viti 2023, pasi mbrojtja kundër virusit zbehet me kalimine kohës.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.