Mospërputhjet tregtare BE-SHBA – Europa do të kundërpërgjigjet nëse Trump vendos tarifa për çelikun

Ministrat e tregtisë të Bashkimit Europian ranë dakord këtë javë për t’iu kundërpërgjigjur Shteteve të Bashkuara nëse vendosin tarifa të importit mbi çelikun dhe aluminin, sipas zv/ ministrit të ekonomisë në Gjermani, Mathias Maching.  Ai tha se prezantimi i tarifave, që janë propozuar nga presidenti i Shteteve të Bashkuara Donald Trump,  nuk përputhen me rregullat e Organizatës Botërore të Tregtisë.

“Jemi të përgatitur për të gjitha opsionet”, tha ai duke shtuar se kishte një dakordësi unanime se Komisioni Europian dhe vendet anëtare do të duhet të marrin masa paraprake.

Megjithatë, nuk dihet ende nëse Trump do të ndjekë sugjerimet e sekretarit për Tregtinë në SHBA, Wilbur Ross, që të vendosë kuota për importet. Departamenti i Tregtisë në SHBA ka rekomanduar që Trump të limitojë bindshëm importet e çelikut dhe aluminit nga Kina dhe vende të tjera dhe Trump do të duhet të marrë një vendim deri në muajin Prill.

Trump tha në nisje të kësaj jave se kërkon të risjellë industrinë e çelikut në Amerikë edhe nëse do të duhet të vendosë tarifa në importe ndaj vendeve të tjera. Sipas zyrtarëve Europianë, ideja që këtokufizime në importe të justifikohen nga rreziqet ndaj sigurisë kombëtare është absurde.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.