Papunësia në Greqi në nivel alarmant për 2019 – Ministria e Punës 3 programe nxitëse në sektorin publik

Shkalla e papunësisë në Greqi parashikohet në një nivel alarmant prej 18.2% për vitin 2019, kjo pavarësisht rritjes së vazhdueshme të punësimit. Në përpjekje për të mbajtur ritmin prej 1.4% të punësimit gjatë 2018,  sipas ‘Ekathimerini’, Ministria e Punës ka hartuar programe për nxitjen të diplomuarit që t’i kthehen tregun e punës.

Duke pasur parasysh se vendet e punës në sektorin privat në Greqi janë mjaft të kufizuara, programet parashikojnë punësimin në sektorin publik. Më herët, Ministria e Financave deklaroi se gjatë muajve të fundit të 2018 ka pasur një ngadalësim të rritjes së punësimit krahasuar me 2017.

Ndërkohë, në vitin 2019 norma e papunësisë pritet të tejkalojë 18%, ndërsa sa i takon punësimit, parashikohet të rritet 1.4% nga viti në vit. Ministria e Punës ka hartuar tre programe të reja për 16 000 të papunë për muajt e parë të këtij viti, me një buxhet të përgjithshëm prej 90 mln euro.

Programi i parë lidhet me trajnimin, përvojën praktike dhe certifikimin për 3000 të papunë të grupmoshës 24 deri 29 vjeç në teknologjinë e informacionit dhe komunikimit.

I dyti synon trajnimin dhe certifikimin e 3000 të diplomuarve në Gjuhë dhe Letërsi, ndërsa programi i tretë do të shërbejë si një shtysë për 10 000 të papunë të moshës 18 deri në 29 vjeç kryesisht në sektorë të tillë si bujqësi e prodhim.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.