“Programi i rindërtimit zgjat 2 vjet” – Janë inspektuar mbi 40 mijë objekte, raporti final i dëmeve në fund të janarit

Programi i rindërtimit pas tërmetit të datës 26 nëntor do të zgjatë rreth 2 vjet”. Deklarata është bërë nga ministri i Rindërtimit, Arben Ahmetaj gjatë mbledhjes së tretë të Komitetit Kombëtar të Rindërtimit. Ndërkaq, kryeministri Edi Rama, tha se pavarësisht këtij planifikimi në vitin e parë synohet të përfundojnë sistemimi i familjeve që banojnë në zonat rurale e që aktualisht po jetojnë në çadra, si dhe rikonstruksioni i shkollave, spitaleve dhe qendrave shëndetësore të dëmtuara.

Deri më tani ka përfunduar inspektimi 40 711 objekteve, ndërkohë që për një kategori do të nevojitet një vlerësim i thelluar  që do të bëhet nga Instituti i Ndërtimit dhe Bashkia Tiranë, për të përcaktuar nëse do të duhet të shemben apo mund të rikonstruktohen.

Aktualisht ende nuk ka një vlerësim përfundimtar të dëmeve të shkaktuar nga tërmeti i 26 nëntorin. Sipas objektivit, qeveria synon të ketë dokumentin paraprak në mes të muajit janar, ndërsa të fund të tij do të hartohet dokumenti final, që do i paraprijë konferencës së donatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.