Pse të dini pagën e kolegut tuaj është e dëmshme?
Stanjacioni i pagave si dhe pagesa inferiore e femrave në punë në krahasim me homologët e tyre meshkuj kanë qenë ndër faktorët kryesorë që kanë çuar në nevojë ne transparencës së rrogave në ekonominë e përgjithshme.
Mundet transparenca të sjelli ulje të pagës?
Në 2015, në një studim të zhvilluar brenda kompanisë Google, Erica Baker, një punonjëse e brendshme krijoi një program ku të gjithë të punësuarit të mund të deklaronin me dëshirë rrogën e tyre aktuale. Vetëm 2-5% e tyre plotësuan të dhënat dhe si rezultat shumica u përpoqën të shfrytëzonin këto informacione për të kërkuar rritje page.
Rasti tjetër është në mars të vitit 2018, ku pothuajse 250 punonjës të BBC nënshkruan një letër të hapur për drejtorin e përgjithshëm të rrjetit të transmetimit, duke kërkuar transparencë të pagave për të korrigjuar vitet e pabarazisë gjinore. “Është mënyra më e shpejtë, më e lirë dhe më e bukur për të filluar trajtimin e pagave të pabarabarta”, thuhet në letrën. BBC ka premtuar reforma deri në vitin 2020.
Nismat pro-transparencës bazohen në nocionin që punëtorët mund të përdorin të dhënat e pagave për të negociuar një marrëveshje më të mirë ose të paktën të drejtë. Supozoni se jeni një nga katër punëtorët më të vjetër dhe më produktivë, dhe zbuloni se paguheni 20% më pak se tre kolegët e tjerë. Ndërkaq ju ballafaqoheni me shefin tuaj i cili është a) i zemëruar që e kuptove, dhe b) i zënë ngushtë kështu që sjell pagën tënde në nivelin e kërkuar (ndoshta duke ofruar një justifikim të dobët). Në këtë rast konkret mund të themi se transparenca = barazi.
Por imagjinojmë tani një mjedis akoma dhe më kompleks dhe transparent, kur ju postuloni për një pozicion punë si mijëra të tjerë në një kompani ku pagat janë të njohura. Për shkak se çdo kandidat do të kërkojë të ketë rrogën e punonjësit më të paguar, kjo do të bëj që kompania të negocioj shumë ashpër. Të dyja rastet e lartpërmendura janë pjesë e studimit të Bobak Pakzad-Hurson dhe Cullen të Universitetit Brown në Rhode Island, ata thonë se “këto rezultate nuk janë aspak inkurajuese për partizanët e transparencës apo për punonjësit, sepse pagesa në këtë model studimi u ul me 7-8% ndërsa përfitimi i punëdhënësit u rrit me 28%. Kjo si pasojë e marrjes në punë të më shumë punëtorëve me paga më të ulëta.”
Një punëkërkues që mëson se ne një kompani aplikohet transparenca e pagave, do të ishte i predispozuar të kërkonte të punësohej nga kjo kompani dhe pasi të kishte marrë vesh pagën e kolegëve do të kërkonte medoemos edhe ai rritje rroge. Kombinimi i këtyre faktorëve ka ndikuar në uljen e pagave sipas raportit të Cullen dhe Hurson. “Analiza jonë për balancimin e pagave, normës së punësimit dhe fitimeve nën një transparencë më të madhe të rrogave, tregon pasoja kontradiktore dhe ekonomikisht të mëdha në një treg ku kërkohen kualifikime minimale” kanë përmbyllur ata studimin e tyre.
Burimi: Quartz
Përshtati: Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.