Ryanair do rinisë fluturimet në Korrik – Në 40% të kapacitetit normal, me rregulla të reja për pasagjerët
Ryanair deklaroi se do të rinisë 40% të fluturimeve të planifikuara nga data 1 Korrik dhe do t’i kërkojë pasagjerëve të vendosin maska dhe të marrin leje nga ekuipazhi për të shkuar në tualet. Linja ajrore irlandeze, që është më e madhja low-cost ë Europë, pritet të nisë 1,000 fluturime në ditë nga data 1 Korrik, nga një shërbim prej 30 fluturimesh në ditë që operon aktualisht. Kjo, sipas kompanisë, do të mbulojë 90% të rrjetit para-krizës por me frekuenca më të ulëta.
Këtë muaj, kreu ekzekutiv Michael O’Leary tha se linja ajrore me shumë mundësi do të shkojë nga 40% të kapacitetit normal të fluturimeve në Korrik, në 50% në Gusht, por me gjysmën e karrigeve bosh për shkak të kërkesës anermike. Ryanair, në kundërpërgjigje të Covid-19, do t’i kërkojë të gjithë pasagjerëve që të plotësojnë një formular ku tregojnë se sa do të zgjasë vizita e planifikuar dhe vendin ku do të qëndrojnë, informacion që do t’i ofrohet qeverive të Bashkimit Europian, për të monitoruar masat e karantinës.
Britania, një nga 3 tregjet më të mëdhenj të Ryanair, planifikon të vendosë në karantinë për 14 ditë këdo që mbërrin në vend, një lëvizje për të cilën liderët e industrisë thanë se do të përkeqësojë mëtej situatën e sektorit të aviacionit. Ryanair shtoi se do të dezinfektojë të gjithë avionët çdo natë dhe të ndalojë pagesat me para cash në bord si dhe inkurajojë klientët që të kontrollojnë temperaturën përpara se të udhëtojnë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.