Sfidat e koalicionit të ri në Spanjë! Parlamenti i ndarë do të vështirësojë tërheqjen e reformës së punës
Koalicioni i ri i majtë në Spanjë, pa një shumicë në parlament, do përballet me vështirësi për të mbajtur premtimet si ndryshimi i reformës së punës të vitit 2012, që uli pagat dhe rriti fuqinë e kompanive përballë punëtorëve.
Socialistët e drejtuar nga Pedro Sanchez dhe partia e majtë Unidas Podemos, kanë rënë dakord të tërheqin disa prej reformave të mëdha të ndërmarra nga lideri konservator Mariano Rajoy, nën një marrëveshje në vitin 2012 me Eurozonën në këmbim të ndihmës financiare.
Reforma e punës është pika më e vështirë dhe reflekton konflikte mes politikanëve të djathtë dhe të majtë në të gjithë Europën.
Mbështetësit e reformës së punës thonë se kjo e ka transformuar Spanjën në një treg më konkurrues, ndërsa kritikët thonë se vendi është kthyer në një ekonomi me paga të ulëta ku vendet e punës janë të përkohëshme.
Qeveria e re përballet me një detyrë tejet të vështirë për të mbajtur premtimet, duke marrë parasysh gjendjen e fragmentuar të politikës spanjolle.
Sanchez fitoi me vështirësi mbështetjen e parlamentit këtë javë, duke formuar qeverinë e parë spanjolle në koalicion në dekada.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.