SHBA shton tensionet me Kinën. Konsideron listën e zezë për kompani me rol kryesor në Kinë

Administrata e Trump po konsideron vendosjen e barrierave në eksporte ndaj prodhuesit më të madh të procesorëve në Kinë. Departamenti i Drejtësisë po vlerëson nëse kompania duhet të futet në listën që kufizon ente të caktuara për të marrë mallra specific që prodhohen në SHBA. Lëvizja e administratës është pjesë e një përpjekjeje të vazhdueshme për të vendosur presion tek firmat teknologjike të Kinës dhe përbën një përshpejtim të konfliktit mes dy vendeve.

Kompania kineze e procesorëve shihet si një lojtar kryesor në përpjekjen e Kinës për të nxitur industrinë vendase. Vendosja e kontrolleve në eksporte do të ndikonte edhe kompanitë e Shteteve të Bashkuara që shesin mikro çipe tek prodhuesit kinezë. Lista amerikane përfshin tashmë mbi 275 kompani kineze. Zyrtarët në SHBA kanë lajmëruar së fundmi se do të shtrëngojnë mëtej barrierat ndaj Huawei në mënyrë që të gjurmojnë aksesin e kompanisë së telekomunikacionit tek çipet e disponueshme në treg.

Ndërkohë që tensionet mes dy vendeve po përkeqësohen, zyrtarët amerikanë po bindin qeveri të tjera në botë që të ndalojë Huawei, duke argumentuar se kompania i jep të dhëna qeverisë kineze.  Administrata e Trump ka publikuar gjithashtu urdhër ekzekutiv për të ndaluar transaksionet me Bytedance, kompaninë zotëruese të TikTok.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.