Studimi/ A është Koronavirusi i ri një epidemi sezonale, dhe a do të ndryshojë situata gjatë periudhës së verës?

Është shumë herët të dimë me siguri nëse koronavirusi i ri është sezonal. Për ta ditur vërtet këtë, do të duhet të shohim sesi ndryshojnë rastet në një vend gjatë gjithë vitit. Ndërkohë në pamundësi të kësaj, mund të shikojmë përhapjen e saj në klima të ndryshme nëpër botë për të dhëna më konkrete.

Ekzistojnë disa prova se rastet e koronavirusit janë grumbulluar veçanërisht rreth rajoneve më të ftohta dhe të thata. Një studim tregoi se vendet e prekura veçanërisht nga virusi – ato ku ai po përhapet përmes transmetimit në komunitet – deri më 10 mars kishin temperatura mesatare më të ulëta se ato me më pak raste.

Një tjetër hukumtim analizoi 100 qytete kineze me më shumë se 40 raste të Covid-19 dhe sugjeroi sa më e lartë të jetë temperatura dhe lagështia, aq më e ulët është shkalla e transmetimit.

Dhe një studim tjetër, sugjeroi që megjithëse raste të koronavirusit të ri mund të gjendeshin në të gjithë botën, shpërthimet ishin grupuar veçanërisht në “zona relativisht të ftohta dhe të thata” – të paktën deri në 23 mars.

Por, siç theksoi një grup studiuesish në Shkollën e Higjienës dhe Mjekësisë Tropikale në Londër, virusi tani është përhapur në çdo rajon të Organizatës Botërore të Shëndetit, “duke shtrirë në mënyrë efektive të gjitha zonat klimatike, nga rajonet e ftohta dhe të thata në ato të nxehta dhe të lagështa”.

A janë sezonale koronaviruset e tjerë?

Ekzistojnë disa prova që koronaviruset e tjerë kryesisht qarkullojnë në muajt e dimrit, sipas një ekipi studiuesish nga University College London (UCL) dhe Shkolla London e Higjienës dhe Mjekësisë Tropikale. Ata pyetën pothuajse 2,000 njerëz për një raport javor nëse dikush në familjen e tyre kishte simptoma të sëmundjes së frymëmarrjes. Dhe kujtdo që kishte simptoma iu kërkua të dërgonte një proë për të testuar një sërë virusesh.

Nga kjo, studiuesit vëzhguan shifra shumë të larta në rastet e koronavirusit në dimër, afërsisht në të njëjtën kohë me sezonin e gripit. Kishte një numër të vogël të rasteve gjatë verës. (BBC)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.