Tërmeti me magnitudë 6.8 “shkund” Turqinë!

Një tërmet me magnitudë 6.8 goditi Turqinë Lindore pak minuta më parë, u shpreh Qendra Sizmologjike Evropiane-Mesdhetare (EMSC) dhe organizatat turke të ndihmës thanë që po dërgonin ekipe në zonë.

Tërmeti pati një thellësi prej 10 kilometrash (6.2 milje), sipas EMSC.

Mediat shtetërore në Sirinë fqinje raportuan se tërmeti u ndje gjithashtu në disa zona të vendit. Media lokale në Liban raportoi të njëjtën gjë në qytetet Beirut dhe Tripoli.

Nuk ka raporte të menjëhershme për dëmtime ose lëndime. Mediat turke thanë se tërmeti ka bërë  njerëzit të vrapojnë jashtë për siguri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.