Tregu i shtëpive në Britani, çmimet rriten në nivelin më të ulët që prej 2009-ës

Çmimet e shtëpive në Londër ranë me normën më të shpejtë vjetore në 6 vite gjatë shkurtit. Çmimi mesatar i ofruar (ask price) në kryeqytet ra me 0.4% në 797 mijë dollarë këtë muaj, me bazë vjetore, që është rënia e parë vjetore që prej vitit 2011.

Tregu i shtëpive në Londër ka treguar performancën më të dobët krahasuar me pjesën tjetër të vendit gjatë 2016-ës, prej frenimit të blerësve, daljes nga Bashkimi Europian dhe rritjes së taksave, që kanë goditur kërkesën.

Në të gjithë vendin, rritja vjetore e çmimeve është ngadalësuar në nivelin më të dobët në 4 vite, duke treguar se blerësit po bëhen më të ndjeshëm nda çmimeve.

“Blerësit nuk kanë mundësi të paguajnë për çmimin e ofruar nga shitësit. Kjo i shtohet rritjes së kostove të jetesës, kushteve më të ashpra të huadhënies dhe dozës së paqartësisë nga BRexit”, shkruan Rightmove, portali më i madh në Britani për pasuritë e paluajtshme.

Londra qendrore kryesoi në ngadalësimin e muajit Shkurt, ndërsa çmimet e ofruara ranë me 2.1% me bazë vjetore, krahasuar me 1.4% rritje në periferi. Për të gjithë Britaninë, çmimet e ofruara u rritën me 2% në një mesatare prej 382 mijë dollarë, që është performanca më e dobët për Shkurtin që prej vitit 2009.

Klevis Llaha/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.