Trump-Kim, tjetër takim – Shtëpia e Bardhë njofton se samiti do të mbahet në fund të Shkurtit
Presidenti amerikan, Donald Trump do të mbajë një samit të dytë me liderin koreano verior, Kim Jong Un, në fund të muajit Shkurt, deklaroi Shtëpia e Bardhë pas takimit të Trump me negociatorët koreano veriorë për armët bërthamore.
Pjesë e grupit negociator ishte edhe Kim Yong Chol, ish shef i shërbimeve sekrete, gjë që krijoi shumë polemika dhe debate në Washington por edhe në opinionin publik. Tema kryesore e debatit mes të dyve ishte pikërisht procesi i denuklearizimit të Koresë së Veriut.
Ky proces ka mbetur pezull që prej takimit mes dy liderëve më 12 Qershor të vitit të kaluar. Duket se do të duhet një samit tjetër kokë më kohë në mënyrë që t`i jepet një shtysë procesit në fjalë. Caktimi i një samiti të dytë nuk përkthehet aspak në heqjen e sanksioneve amerikane ndaj Pyongyangut. Në lidhje me këtë samit kas reaguar edhe Korea e Jugut, që shprehet se pret, që takimi mes dy liderëve të jetë një pikë kthese, duke sjellë më në fund paqe të zgjatur në gadishullin korean.
Analistët ndërkohë argumentojnë se, samiti është i parakohshëm dhe se Kim do e përdorë, ashtu si herën e parë, për të fituar statute ndërkombëtare dhe Trump për të tërhequr vëmendjen nga problemet e brendshme.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.