Ujësjellësit s’paguajnë energjinë – ERRU: Të ulen tarifat sepse ofrojnë shërbim publik
Enti Rregullator i Ujit kërkon uljen e çmimit të energjisë elektrike për shoqëritë e ujësjellës-kanalizimeve, duke qenë se këto ndërmarrje japim shërbim publik.
Kërkesa ka ardhur pas një problematike të krijuara prej vitesh në sektor, ku këto shoqëri kanë akumuluar një borxh të konsiderueshëm ndaj Operatorit të Shpërndarjes së Energjisë Elektrike. Megjithatë, përfaqësues të ERRU-së thonë se ky propozim nuk është marrë asnjëherë në konsideratë nga Ministria e Infrastrukturës dhe Energjisë.
Borxhi i ujësjellësve ndaj OSHEE-së rezulton në miliona euro, ndërkohë që nuk kanë munguar rastet kur Operatori i Shpërndarjes ka ndërprerë furnizimin me energji ndaj këtyre kompanive, për shkak të detyrimeve të prapambetura.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.