Venezuelianët: ‘Uji, tashmë është luks për ne’!
Situata në Venezuelë vijon të mbetet tepër e rënduar për banorët. Familjet e intervistuara nga ‘Reuters’ thonë se kanë kaluar muaj pa marrë ujë nga rubineti pasi ndërprerjet e energjisë ndërprenë furnizimin dhe tubacionet dështuan për shkak të mungesës së mirëmbajtjes. Të ballafaquar me pasigurinë se kur mund të kthehet energjia elektrike por tashmë dhe uji, ata po ruajnë aq ujë sa mund të marrin nga lumenjtë ose ta blejnë në dyqane. Nga lagjet më të varfëra deri në lagjet ato më të pasurat, mungesa e ujit ndjehet kudo në çdo familje venezueliane, ndërsa po kalojnë krizën më të thellë ekonomike në vend.
Një shishe prej 5 litrash kushton rreth 2 dollarë në një supermarket të Caracas, ku paga minimale mujore është vetëm rreth 6 dollarë çdo muaj.
Qeveria e presidentit Nicolas Maduro fajëson për mungesën e ujit thatësirën e gjatë që ka prekur vendin prej kohësh dhe gjithashtu akuzon kundërshtarët për sabotimin e furnizimit të saj. Opozita e vendit, e udhëhequr nga Juan Guaido, i cili në janar thirri kushtetutën për të marrë presidencën e përkohshme, thotë se problemi është për shkak të mirëmbajtjes së dobët.
Më parë këtë muaj, Venezuela u zhyt thellë në kaos, pas një ndërprerje të energjisë elektrike e cila preku dhe furnizimin me ujë për shumicën e banorëve. . Që atëherë, Maduro ka premtuar të vendosë tanke të mëdha të ujit në kulmet e shtëpive dhe blloqeve të banimit për të lehtësuar problemin. Që nga ndërprerja mbarëkombëtare, më e keqja në dekada, linjat e njerëzve që rreshtin për të mbushur ujërat që rrjedhin nga Avila janë shumëzuar, pavarësisht paralajmërimeve se uji nuk ishte i përshtatshëm për konsum dhe mund të përmbante baktere dhe parazitë.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.